اسلام آباد ۔ 26 دسمبر (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو حکومت آرمی چیف دی مدت ملازمت اچ توسیع بارے عدالتی فیصلے تے نظر ثانی درخواست دائر کرڈتی اے،نظر ثانی اپیل دے بعد وی پارلیمنٹ دا آپشن موجود اے،اے این ایف رانا ثناءاللہ دی ضمانت دے فیصلے دے خلاف سپریم کورٹ اچ نظر ثانی اپیل دائر کریسی،میڈیا اے این ایف کوں سیاست وات نہ کرے۔ اے گالھ وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان صحافیاں نال گالھ مہاڑ اچ آکھی۔انہاں ڈسایا جو حکومت پاکستان چیف آف آرمی سٹاف دی مدت بارے سپریم کورٹ دے کیس دے خلاف نظر ثانی درخواست دائر کرڈتی اے، حکومتی قانونی ٹیم تفصیل اتے ہر پاسو جائزہ گھنڑ توں بعد فیصلے اچ قانونی نقائص ڈٹھین جیندی درستگی کیتے حکومت پاکستان عوامی مفاد اچ نظر ثانی درخواست دائر کرنڑ دا فیصلہ کیتے،ایندے تے وزیر قانون اتے اٹارنی جنرل تفصیل ڈسیسن۔ انہاں آکھیا جو رانا ثنا اللہ دی ضمانت بارے کجھ میڈیاملزم دی بجائے قومی ادارے ایف آئی اے داٹرائل کریندا پئے،اینجھے قومی ادارے کوں بدنام نئیں کرنڑا چاہیدا،رانا ثنا اللہ بارے میڈیادا بیانیہ قانون و آئین نال مطابقت نئیں رکھدا،میڈیا تصویت دا ہک رخ نہ ڈکھاوے،رانا ثنا موقع تے پکڑیے گین۔جائے وقوعہ ،برآمدگی اتے ملزم بارے اے این ایف سارا کیس قانون دے مطابق چلیندا پئے،کیس اچ ابہام پیدا نہ کیتا ونجے۔
حکومت آرمی چیف دی مدت ملازمت اچ توسیع بارے عدالتی فیصلے تے نظر ثانی درخواست دائر کرڈتی اے، وزیراعظم دی معاون خصوصی ڈاکٹر فردوس عاشق اعوان
مضمون کا ماخذ : میگا ملینز کی پیشن گوئی
متعلقہ مضامین
