اسلام آباد ۔ 24 مئی (اے پی پی) وفاقی وزیر منصوبہ بندی ، ترقی تے اصلاحات احسن اقبال آکھیا ہے جو موجودہ حکومت پاک چین سفارتی تعلقات کوں اقتصادی تعلقات اچ ڈھا ل ڈتا ہے ،چین پاکستان اقتصادی راہداری منصوبہ 65سالہ تاریخ دا ساریں توں وڈا منصوبہ ہے ،چین پاکستان اچ سرمایہ کاری کرنڑ آلا ساریں توں وڈ املک بنڑ گیا ہے ۔او منگل کوں پاکستان براڈ کاسٹنگ کارپوریشن اسلام آباد اچ”پاکستان چین آئرن برادرز” دے موضوع تے ہک سیمینار توں خطا ب کریندے پے ہن ۔وفاقی وزیر آکھیا جو پاکستان چین دی یاری نفع تے ضیان توں بالاتر ہے ،چین دی معیشت نال پوری دنیا فائدہ چیندی پی ہے ،اساکوں وی فائدہ چاونڑاں چاہیدے ،چین دی قیادت ہر صورت اچ پاکستان تے اعتماد کر سگدی ہے ،چین پاکستان اقتصادی راہداری دے ذریعے کولیں نال بجلی پیدا کیتی ویسی ۔اتے پسماندہ علاقیں دی قسمت بدل ویسی ،انہاں آکھیا جو چین پاکستان اقتصادی راہداری جیہوجے وڈے منصوبیں نال خطے توں غربت تے جہالت مک ویسی اتے خوشحالی امسی ۔انہاں آکھیا جو اقتصادی راہداری نال لوکاں سانگے روزگار دے ودھ سارے موقع پیدا تھیسن چین تے پاکستان وچال لمبے عرصے توں ودھ سارے تعلقات ہن تاں جو گزریل ترائے سالاں دے دوران ڈوہیں ملکاں وچال ڈو پاسے تجارت عوامی سطح تے رابطے اتے دفاعی تعاون اچ چنگاں ودھارا تھیا ہے ۔انہاں آکھیا جو چین پاکستان اقتصادی راہداری منصوبہ ڈوہیں ملکاں وچال ودھدے ہوئے تعاون دا عکاس ہے ۔
وفاقی وزیر منصوبہ بندی ، ترقی تے اصلاحات احسن اقبال داپی بی سی اچ ”پاکستان چین آئرن برادرز” دے موضوع تے سیمینارتوں خطا ب
مضمون کا ماخذ : estratégias dupla sena
متعلقہ مضامین
