اسلام آباد۔22مارچ (اے پی پی):احساس متعدد سٹیک ہولڈرز دے رلے سٹریٹ وینڈرز کیتے کم کرݨ دے ماحول کوں بہتر بݨاوݨ کیتے کوشاں اے ، ایں سلسلے اچ احساس، اسلام آباد میونسپلٹی، سی ڈی اے اتے پاکستان انسٹی ٹیوٹ آف ڈویلپمنٹ (پی آئی ڈی ای) دے نال رل تے سٹریٹ وینڈرز کیتے ھک پائیدار اتے شواہد تے مبنی حل تلاش کریسی ۔ ڈاکٹر ثانیہ نشتر G-11 مرکز اسلام آباد اچ آپݨے دورے دے دوران سٹریٹ وینڈرز نال ڳال مہاڑ کریندے ہوئیں آکھیے جو احساس، سٹریٹ وینڈرز کوں کم کرݨ دے حوالے نال پیش آندی اوکھ توں بخوبی واقف اے، لیکن اے وی حقیقت اے جو ٻئے شہریاں دا وی حق اے جو او عوامی جہیں کوں استعمال کرن ۔ دورے دا مقصد سٹریٹ وینڈرز دی معاشی سرگرمیاں دا خود جائزہ گھنݨ تے تخفیف غربت دیاں کوششاں اچ سٹریٹ وینڈرز دے مثبت کردار اتے صلاحیتاں دا ادراک کرݨ ہئی ۔
مضمون کا ماخذ : سٹاربرسٹ
