اسلام آباد ۔ 8 جنوری (اے پی پی)وزیراعظم عمران خان تنخواہ دار، متوسط اتے گھٹ آمدنی آلے طبقات کوں رعایتی ملھ تے شئیں ڈیونڑکیتے ریلیف پیکیج دا اجراءکرڈتے۔وزیراعظم جی نائن مرکزاچ یوٹیلیٹی سٹوردادورہ کیتے اتے ریلیف پیکیج دا افتتاح کریندے آکھیے جو حکومت تیکھے غریب لوکاں کیتے راشن کارڈز سکیم داوی اعلان کریسی جو او یوٹیلیٹی سٹورزتوں ماہانہ ترائے ہزار روپے دی بنیادی اشیاءضروریہ گھن سگن،اے ریلیف پیکیج گھٹ اتے متوسط آمدنی آلے طبقات کوں نہ صرف رعایتی ملھ تے اٹا، کھنڈ، گھیو، چاول اتے دالاں سودھا بنیادی اشیاءضروریہ ڈیونڑ کیتے اے بھل ایندے نال عام مارکیٹ اچ مہانگ تے قابو پاونڑ اچ مدد ملسی،یوٹیلیٹی سٹورزتے اٹے دا 20 کلو دا تھیلا تقریباً 800 روپے دے رعایتی نرخاں تے ڈتا ویندا پئے،اے اٹا اعلیٰ معیار اتے سارے غزائی اجزا نال بھریا اے،حکومت سورج مکھی اتے کینولا دے کساناں دی حوصلہ افزائی کر تے مقامی پیداوارودھاونڑ کتیے کم کریندی پئی اے،ایویں حکومت 1.5 ارب دی دالاں دی سالانہ درآمدات تے قابو پاونڑ کیتے دالاں دی کاشت کوں وی ترقی ڈیندی پئی اے،یوٹیلیٹی سٹورزتے سستیاں شئیں ڈیونڑ نال اوپن مارکیٹ اچ مہانگ روکنڑ اچ مدد ملسی جیکر لوڑھ پئی تاں اشیاءضروریہ تے ست ارب روپے توں علاوہ وی بئی سبسڈی کیتے وادھو فنڈز ڈتے ویسن۔ انہاںا ٓکھیے جو حکومت اقتصادی استحکام توں بعد ہنڑ2020ءاچ روزگارڈیونڑ، انڈسٹریلائزیشن اتے نمو تے توجہ دیندی پئی اے۔ انہاں یوٹیلیٹی سٹورزدا معائنہ کیتا۔ایں موقع تے وزیراعظم دے مشیر برائے تجارت عبدالرزاق داﺅد اتے وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان وی موجود ہن۔
وزیراعظم عمران خان تنخواہ دار، متوسط اتے گھٹ آمدنی آلے طبقات کوں رعایتی ملھ تے شئیں ڈیونڑکیتے ریلیف پیکیج دا اجراءکرڈتے
مضمون کا ماخذ : پاکستان لاٹری ٹکٹ
متعلقہ مضامین
