اسلام آباد ۔ 14 اپریل (اے پی پی) وزیراعظم دی معاون خصوصی سماجی تحفظ و تخفیف غربت ڈاکٹر ثانیہ نشتر آکھیے جو احساس ایمرجنسی کیش پروگرام دے تحت ہنگامی طور تے رقماں دی ونڈ دے دوران کورونا توں بچنڑ کیتے سخت حفاظتی اقدامات کیتے گئن ۔ اپنڑے بیان اچ انہاں آکھیے جو ادائیگی مراکز تے کورونا وائرس توں بچنڑ دی احتیاطی تدابیر تے عملدرآمد کیتا ویندا پئے ، ادائیگیاں دے مرکز تے ایں سلسلے اچ سینیٹائزر رکھیے گئن جڈاں جو معذور اتے بڈھے لوکاں کیتے وی خصوصی اقدامات کیتے گئن ۔کجھ مراکز اچ سپرے آلے واک تھرو گیٹس وی نصب کیتے گئن تے معذور لوکاں ڈے ونج تے انہاں دی بائیو میٹرک کیتی ویندی پئی اے ۔17,000 احساس کیش تقسیم دے مرکز پورے ملک اچ قائم کیتے ویسن جیں اچوں9,419 قائم کر ڈتے گئن۔ نقد رقم وصول کرنڑ آلیں دے ہجوم توں بچنڑ کیتے رقم تقسیم دے مراکز اتے کاونٹرز دی تعداد ودھائی ویندی پئی اے۔ احساس ٹال فری ہیلپ لائن 0800-26477 کوں شکایات موصول کرنڑ کیتے مقرر کیتا گئے جیں اچ روزانہ دی بنیاد تے 1500 شکایتاں کوں ڈٹھا ویندا پئے ۔واضح رہے جو پروگرام دے تحت ہک کروڑ 20 لکھ خانداناں اچ فی کس 12000 روپے تقسیم کیتے ویندے پئن ۔ پروگرام کیتے144 ارب روپے مختص کیتے گئن تے اے پاکستان دی تاریخ دا ساریں توں وڈا ریلیف پیکیج اے۔
احساس ایمرجنسی کیش پروگرام دی رقم دی تقسیم دے دوران کورونا توں بچنڑ کیتے سخت حفاظتی اقدامات کیتے گئن ، ڈاکٹر ثانیہ نشتر
مضمون کا ماخذ : اسکریچ کارڈ پاکستان
متعلقہ مضامین
