راولپنڈی۔8فروری (اے پی پی):پاک فوج دے شعبہ تعلقات عامہ(آئی ایس پی آر) ڈائریکٹر جنرل ،میجر جنرل افتخار بابر آکھیے جو پاک فوج دا سیاست توں کوئی تعلق کائنی اتے نہ ہی کہیں نال بیک ڈور رابطے ہن ،جے کہیں ݙے ثبوت ہن تاں سامݨے گھن آوے اینویں بغیر تحقیق دے پاک فوج کوں سیاست اچ نہ ڳھیلو ،اساں کیتے سکیورٹی وݙا فریضہ اے جیڑھا اساں ??ری??دے پیوں ۔ او سنوار کوں میڈیا نال ڳالھ مہاڑ ??ری??دے پئے ہن ۔ ترجمان پاک فوج میجر جنرل افتخار بابر آکھیے جو پی ڈی ایم متعلق کجھ ڳالھیں کیتیاں ویندیاں پئن ، پی ڈی ایم دے حوالے نال قیاس آرائیاں بے بنیاد ہن۔ ھک سوال دے ولدے اچ انہاں آکھیے جو پاکستان دنیا دے سامݨے ھک ڈوزیئررکھیا، بھارت پوری دنیا اچ بے نقاب تھی چکے ،ڈس انفولیب متعلق ٻہوں سارے انکشافات سامݨے آئے، بھارت پاکستان دی ساکھ کوں ضیان پڄاوݨ دی کوشش کیتی ، بھارت دا خطے اچ منفی کردار اے۔ انھاں آکھیے جو علی سد پارہ قومی ہیرو اتے اثاثہ ہن، اساݙی دعا اے علی سدپارہ خیریت نال ہوون ، ک??ہ پیماواں کوں ڳولݨ کیتے کوشش کیتی ویندی پئی اے، سرچ آپریشن اچ کوئی کمی نہ ہوسی ، خراب موسم دے باوجود مسلسل سرچ آپریشن ??ری??دے پیوں ۔انہاں آکھیے جو کورونا وبا توں پوری دنیا متاثرتھئی ، پاکستان وبا دا بہادری ن??ل مقابلہ کیتے، فرنٹ لائن ہیلتھ ورکرز ساریں توں ودھ ویکسین دے حقدار ہن۔انہاں پیپلز لبریشن آرمی ولوں پاکستان دی مسلح افواج کیتے ویکسین عطیہ کرݨ تے شکریہ ادا ??ری??دے ہوئیں آکھیے جو پاک فوج اپݨی راویات کوں برقرار رکھیندے ہوئیں اے ویکیسین فرنٹ لائن ورکرز کیتے قومی ویکسین مہم کوں بھجواوݨ دا فیصلہ کیتا ڳئے ۔
