اسلام آباد 05 مارچ (اے پي پي) د اطلاعات او خپرونو وفاقي وزير سېنېټر شبلي فراز وئېلي دي مسلم ليګ(ن)نوټ له د ووټ سره د تشبيه وركولو ناكامه هڅه كړې۔ دا د اپوزېشن ګټه نه ده چې ټاكنې سپيځلې وي او په دې كښې پيسې ونه كارولې شي٬هغوي داسې خلق ټاكل غواړي كوم چې اهليت لري او نه قابليت٬ د دوي ترجيحات خپل كاروبار ته دوام وركول دي۔د اولس د ګټې او د حقونو بېرغ وزيراعظم عمران خان پورته كړے٬ د قامي او سېنېټ ټاكنو په حقله زمونږ بيانيه په ډاګه شوې چې څوك چرته ولاړ دي۔ د زوي د وېډيو راتللو نه پس يوسف رضا ګېلاني ته په دوهمه ورځ استعفٰی وركول پكار وو۔هغه د جمعې په ورځ د سائنس او ټېكنالوجۍ وفاقي وزير چوهدري فواد حسېن او كامياب شوي سېنېټر بېرسټر علي ظفر سره پي آئي ډي كښې په ګډه خبري كنفرنس ته خطاب كولو۔وفاقي وزير ووئيل د تېرو څو اوونيو او مياشتو نه عمران خان او د هغه حكومت په دې خبره زور راوړلو چې د ټاكنو عمل بايد سپيځلے وي۔هغه ووئيل د سپيځلو ټاكنو نه پس زمونږ د ايوان تقدس بحالېدل او د كال 1985 نه د پیل شوي پيسه كلچر ختمېدل ممكن دي۔هغه ووئيل مسلم ليګ او پيپلز پارټي زمونږ سياسي كلچر ته د پيسو رنګ وركړے۔ هغه ووئيل وزيراعظم عمران خان د كال 2015 نه د ټاكنو د اصلاحات خبره كړې او د كال 2018 سېنېټ ټاكنو كښې يې خپل 20 غړي فارغ كړي۔ د يوې پوښتنې په ځواب كښې هغه ووئيل د پي ډي اېم مشرتابه نه بايد دا پوښتنه وشي چې د كال 2018 سېنېټ ټاكنو او د اوسنو سېنېټ ټاكنو كښې د ووټونو په اخستلو خرڅولو يې څومره غړي د خپلې پارټۍ نه ويستلي۔ده ووئيل عمران خان چې 22 كاله وړاندې كومې هڅې پیل كړې وې هغه د كاميابۍ پړاو ته رسېدلي۔ نن قامي اسمبلۍ او سېنېټ كښې د ټولو نه لويې ګوند پي ټي آئي دے۔ هغه ووئيل په 6 ووټونو د عدم اعتماد خبره كوي۔هغه ووئيل د اپوزېشن لارښود چې د زندانونو نه بهر راوځي نو د وكټري نشان جوړوي دا كلچر عمران خان جوړول نه غواړي۔د يوې پوښتنې په ځواب كښې هغه ووئيل د سېنېټ ډپټي چيئرمېن كانديد لپاره به اتحاديانو سره د مشاورت نه پس اعلان كوو۔ صادق سنجراني بلوجستان سره د تعلق لرلو او د تېرو دريو كلونو په مهال په غوره ډول د هاؤس په چلولو د سېنېټ چيئرمېن چوكۍ لپاره يو وارې بيا نامزد كړے شوے
د ټاكنو سپېځلتيا د اپوزېشن لپاره ګټه وره نه ده ٬مسلم ليګ(ن) نوټ له د ووټ سره د تشبيه وركولو ناكامه هڅه كړې۔ د اطلاعات او خپرونو وفاقي وزير سېنېټر شبلي فراز خبري كنفرنس ته خطاب
مضمون کا ماخذ : جیتنے والی لاٹری
متعلقہ مضامین
