اسلام آباد ۔ 13 دسمبر (اے پی پی) وزیر خارجہ مخدوم شاہ محمود قریشی آکھیے جو خطے اچ امن و استحکام دا دارومدار ، افغانستان اچ قیام امن نال وابستہ اے ، امریکہ طالبان مذاکرات وختی بحال تھیسن ۔ اے گال انہاں جمعے کوں افغان امن عمل کیتے امریکہ دے نمائندہ خصوسی زلمے خلیل زاد نال ملاقات کریندے ہوئیں آکھی اے ۔ ملاقات اچ افغان امن عمل سمیت خطے اچ امن دی مجموعی صورت حال تے گال مہاڑ کیتی گی ۔وزیر خارجہ شاہ محمود قریشی آکھیا جو پاکستان شروع ڈینھ توں ایں موقف تے قائم اے جو طاقت دا استعمال افغان مسئلے دا حل کائنی ،اساکوں توقع اے جو امریکہ طالبان مذاکرات وختی بحال تھیسن ۔انہاں آکھیے جو خطے دا امن افغانستان اچ امن نال جڑیا ہویا اے ، پاکستان سانجھی ذمے واری نال افغان عمن عمل اچ اپنڑاں مصالحانہ کردار خلوص نیت نال ادا کریندا رہ ویسی ۔ زلمے خلیل زاد وزیر خارجہ کوں افغان طالبان اتے امریکہ وچال وفد دی سطح تے تھیونڑ آلے مذاکرات دی تفصیل بارے ڈسایا۔ افغان امن عمل کیتے امریکا دے نمائندہ خصوصی زلمے خلیل زاد افغانستان اچ قیام امن کیتے پاکستان دے مصالحانہ کردار دی تعریف کیتی۔
وزیر خارجہ مخدوم شاہ محمود قریشی دی امریکی نمائندہ خصوصی زلمے خلیل زاد نال ملاقات
مضمون کا ماخذ : لاتعداد وشال پانڈا
متعلقہ مضامین
