اسلام آباد۔23جون(اے پی پی) د اطلاعات او خپرونو وزير مملكت فرخ حبيب وئيلي دي د آئي اېم اېف بجټ پېغور راكوونكې پيپلز پارټي او (ن) ليګ 11 وارې د آئي اېم اېف پروګرام څخه مستفيد شوي۔ په ګرانه شرح پور اخستو سره زرداري او نواز شريف په سوئټزر لېنډ او لندن كښې ماڼۍ جوړې كړي ۔ د دوي د تېرو حكومتونو عياشو ٬ مني لانډرنګ ٬ كرپشن او جعلي اكاؤنټس د لاسه حكومت 3 زره اربه روپۍ د سود په مد كښې وركوي۔ سندھ د 155اربه روپو پرمختيائي پروګرام كښې 100اربه مصرف كړي ۔ د 317اربه روپو ټېكس وصولولو هدف كښې 243اربه روپۍ راجمع كړې شوي۔ د پنجاب 337 اربه روپۍ پرمختيائي بجټ ؤ ٬ 375اربه مصرفه شوي۔ د ټېكس وصولۍ هدف 317ارب ؤ او358اربه روپۍ وصول شوي۔ هغه د شورؤ په ورځ قامي اسمبلۍ كښې په بجټ بحث كولو۔ هغه ووئيل آئي اېف اېف د جي ډي پي ګروت 1.5فیصد پېشنګوئي كړې وه خو زمونږ د محنت په نتيجه كښې جي ډي پي د 4 فيصد په حسابسره پرمختګ كوي۔ آئی اېم ایف د 4690 اربه روپو ټېكس وصولۍ پېشنګوئي كړې او مونږ به د كال تر ختمېدو 4700اربه نه هم بره لاړ شوو۔ آئي اېم اېف وئيلي وؤ سږ كال به د پاكستان كرنټ اكاؤنټ خساره 7 نېم فيصده وي خو زموږ د محنت په نتيجه كښې دا 800ملینهډالره سرپلس ده۔ هغه ووئيل مونږ د تېرو حكومتونو غوندې د آئي اېم اېف هره خبره منلو لپاره لاس په نامه نه يو ولاړ۔ هغه ووئيل عمران خان د درېو كالو په مهال د كفايت شعارۍ كمپائن د لارې د وزيراعظم آفس او وزيراعظم هاؤس خرڅونو كښې د يو ارب روپو بچت كړے۔ د زرداري ٬ نواز شريف او عمران خان بهر هېوادونو دورو خرڅونو كښې د زمكې آسمان فرق دے۔ د افغانستان په دوره نواز شريف 58زره ډالره ٬ زرداري 46زره ډالره او عمران خان 9زره 600 ډالره مصرف كړي۔ د امريكې په دوره زرداري7 نيم لكه ډالره ،نواز شریف 3 نيم لكه ډالره او عمران خان 6زره 700 ډالره مصرف كړي۔ ده ووئېل د سوئټزر لېنډ په دوره نواز شریف 7لکه 8زره ډالره ٬ ګېلاني 4 نيم لكه ډالره او عمران خان 52زره ډالره مصرف كړي۔ هغه ووئيل عمران په ډاګه شپه كوؤنكو لپاره د 100 نه زياتې لنګرخانې جوړې كړي ۔ پي آئي اېس پي نه ئې 8 نيم لكه جعلي كسان ويستلي۔ بی آئي ایس پیله د پيپلز پارټۍ په دور كښې 70 اربه ٬ د ن ليګ په دور كښې 121 اربه روپۍ بېلې كړې شوي او اوسني حكومت د احساس پروګرام بجټ 260اربهته رسولے۔ هغه ووئيل د وفاق لخوا به اېن اېف سي كښې 329اربه روپۍ اضافي وركولې شي ٬ دې كښې 68اربه د تنخاګانو او پنشن لپاره دي۔ سندھ ته به 128اربه وركولې شي كومو څخه به چې 93اربه په تنخاګانو او پنشن مصرف كولې شي۔ ده ووئېل د لويو لويو خبرو كوؤنكو د سندھ حكومت د ټېكس وصولولو هدف 313اربؤ او وصولۍ ئې 243اربه كړې ۔ هغه ووئيل عمران خان سندھ حكومت ته 1900اربهروپۍ وركړې ٬ دوي دې اوښائي چې هغه چرته مصرف شوي ۔ د برېښنا په اړه هغه ووئيل قام ته اضافي نه بلكې ارزانه برېښنا پكار ده۔ په كال 1963كښې په سرته رسېدونكي مومند ډېم كار عمران خان پېل كړو۔ ديامر نه به 4500مېګاواټ او داسو نه به 4300مېګا واټ برېښنا ترلاسه كېږي۔ هغه ووئيل د اېل اېن جي درآمد كولو له پخواپه 13.50فیصد شرح ګرانې لوظنامې شوي ۔ اوسني حكومت په بيا ډيل كولو سره دغه 10.3 فيصد شرح ته راوستلي۔ هغه ووئيل اوسني حكومت د ټېكسټائل څانګه يو وارې بيا په خپلو پښو ودرولې۔ وزیر مملکت فرخ حبیب ووئيل څه وخت چې مونږ حكومت ترلاسه كړو نو دغه مهال سړي سر آمدن 1لک 86زره ؤ او اوس 2لکه 46 ته رسېدلے ۔ هغه ووئيل عمران خان امريكې ته ښكاره ځواب وركولو سره دا ثابته كړې چې هغه قام سره هغه د پروردګار نه سوا بل چاته د سر نه ټيټولو كوم لوظ كړے ؤ هغه ئې تر سره كړے
د آئي اېم اېف بجټ پېغور راكوونكې پيپلز پارټي او (ن) ليګ 11 وارې د آئي اېم اېف پروګرام څخه مستفيد شوي۔ په ګرانه شرح پور اخستو سره زرداري او نواز شريف په سوئټزر لېنډ او لندن كښې ماڼۍ جوړې كړي۔ د وزير مملكت فرخ حبيب قامي اسمبلۍ كښې د خيالات څرګندونه
مضمون کا ماخذ : لاٹری ٹکٹ کے فوائد
متعلقہ مضامین
